U Baranavičach sutyknulisia čatyry aŭtamabili
Siońnia kala 13:20 u Baranavičach sutyknulisia adrazu čatyry aŭtamabili, paviedamlaje UUS Bresckaha abłvykankama. U vyniku dva čałavieki byli špitalizavanyja.
Aŭtamabil VAZ pad kiravańniem 62-hadovaha mužčyny ruchaŭsia pa vulicy Bresckaj u napramku Słonimskaj šašy. Pablizu doma №285 kiroŭca nie spraviŭsia z kiravańniem, vyjechaŭ na sustrečnuju pałasu ruchu i ździejśniŭ sutyknieńnie z sustrečnym aŭtamabilem Ford pad kiravańniem 64-hadovaha kiroŭcy.
Paśla taho VAZ, adnak, nie spyniŭ ruch i sutyknuŭsia z pryparkavanaj mašynaj Opel, jakaja ad udaru adkaciłasia nazad i sutyknułasia z taksama pryparkavanym Renault.
U vyniku kiroŭca i 35-hadovy pasažyr aŭtamabila VAZ dastaŭlenyja ŭ balnicu.