Pucin i Tramp havaryli praz telefon amal 2,5 hadziny

Jak paviedamiŭ Bieły dom, razmova dvuch prezidentaŭ pačałasia a 10-j hadzinie ranicy (17-j hadzinie pa Minsku), piša Reuters.

Kałaž: t.me/ostorozhno_novosti

Telefonnaja razmova, jak śćviardžajecca, «idzie dobra». Pra heta paviedamiŭ namieśnik kiraŭnika aparata Biełaha doma Den Skavina.

Tramp abiacaje vyjści da presy z kamientaryjami adrazu paśla zakančeńnia razmovy z Pucinym, praanansavaŭ Bieły dom.

Tramp raźličvaje damahčysia ŭrehulavańnia kanfliktu va Ukrainie «za vielmi karotki čas», śćviardžaje Bieły dom.

Napiaredadni ŭ Biełym domie zajavili, što prezident ZŠA «poŭny rašučaści» damahčysia zaklučeńnia mirnaha pahadnieńnia. Tam paŭtaryli słovy Trampa pra toje, što padčas razmovy moža abmiarkoŭvacca, u pryvatnaści, los bujnoj elektrastancyi — vidavočna, havorka idzie pra Zaparožskuju AES, jakaja ciapier znachodzicca na padkantrolnaj Rasiei terytoryi.

Sam Tramp raniej kazaŭ, što havorka idzie pra «padzieł aktyvaŭ», uklučajučy «terytoryi i elektrastancyi».

Razmova Pucina z Trampam praciahvałasia amal 2,5 hadziny i skončyłasia kala pałovy na vośmuju pavodle minskaha času.

Kamientary da artykuła