Biełaruskija vialikija arlacy viartajucca na radzimu

12 sakavika pieršaj viarnułasia ŭ Biełaruś samka vialikaha arlaca Alžusia. Sioleta jana ŭstalavała svoj asabisty rekord pa terminie viasnovaj mihracyi. Raniej jana zaŭsiody na paru dzion adstavała ad samca Błonda, piša «Dzikaja pryroda pobač».

Fota Valera Dambroŭskaha

Na žal, pieradatčyk Błonda maŭčyć ź listapada minułaha hoda, i jość usie padstavy ličyć, što jon zahinuŭ na miescy zimoŭki ŭ delcie raki Aksijas (Hrecyja).

Alžusia — doŭhažycharka siarod paznačanych pieradatčykami biełaruskich arlacoŭ. Za 7 hadoŭ žyćcia z devajsam na śpinie hetaja ptuška vyhadavała 5 ptušaniat. 

Ciapier taksama mihrujuć arlacy Łan, Łana, Ždan, Ždana i Tur. Ad astatnich navin pakul niama. 

Vialiki arlec uklučany ŭ Čyrvonuju knihu Biełarusi i maje status vidu, jaki znachodzicca pad hłabalnaj pahrozaj źniknieńnia. Biełaruskaja papulacyja druhaja pa pamierach u śviecie paśla rasijskaj.

Kamientary da artykuła