U Minskaj vobłaści — vybuch atručvańniaŭ surahatnym ałkaholem. U hetym hodzie ŭžo 4 čałavieki zahinuli ad jaho
Minskaja vobłaść sutyknułasia z chvalaj atručvańniaŭ techničnymi vadkaściami, kolkaść takich vypadkaŭ pavialičyłasia, piša SK. Za 2,5 miesiacy 2025 hoda ad palenaj harełki tut zahinuli 4 čałavieki.
U Barysaŭskim rajonie dvoje mužčyn pamierli paśla ŭžyvańnia vadkaści dla ačystki škła, jakuju pamyłkova pryniali za śpirtnoje.
Pavodle papiaredniaj infarmacyi, 18 studzienia 39-hadovy žychar vioski Zembin Barysaŭskaha rajona, vypiŭ doma paŭlitra vadkaści, pryznačanaj dla ačystki aŭtamabilnaha škła.
A dniom 14 studzienia z vostrym atručvańniem u balnicu pastupiŭ 62-hadovy žychar Barysava. Jon, piša SK, pierabłytaŭ ščaŭjevuju kisłatu z harełkaj i vypiŭ jaje.
Krychu bolš pašancavała žycharu Minskaha rajona. U balnicu bryhadaj chutkaj dapamohi 25 studzienia byŭ dastaŭleny 48-hadovy žychar haradskoha pasiołka Mačuliščy z atručvańniem. Analiz kryvi pakazaŭ najaŭnaść izaprapiłavaha śpirtu.
Jak vyśvietlili śledčyja, paśla svarki z žonkaj mužčyna pajšoŭ u svoj haraž, dzie pačaŭ užyvać śpirtnoje z butelki, što zachoŭvałasia ŭ jaho ŭ jomistaści z-pad tarmaznoj vadkaści.
Pa słovach paciarpiełaha, pobač stajała anałahičnaja butelka z sapraŭdnaj tarmaznoj vadkaściu. Pa niaŭvažlivaści jon vypiŭ kala 100 mł atrutnaha rečyva, paśla čaho adčuŭ siabie drenna i źviarnuŭsia pa miedycynskuju dapamohu. Ciapier jon znachodzicca pad nahladam miedykaŭ.
Padobny, ale ŭžo śmiarotny incydent adbyŭsia ŭ vioscy Ašmiancy. U balnicy 19 lutaha pamior 60-hadovy žychar Minskaha rajona, špitalizavany napiaredadni z atručvańniem surahatami ałkaholu.
Pa ŭsich nazvanych faktach rajonnymi padraździaleńniami pravodziacca pravierki.