Modniki padrazajuć sabie viejki — što adbyvajecca?

Mužčyny va ŭsim śviecie prosiać cyrulnikaŭ, kab tyja padrezali ci navat zhalili im viejki. Navošta?

Krynicy: truththebarberartist_ / TikTok, Ferhat.ceylan3 / TikTok, marina_sotnikova_muah / TikTok

Novamu trendu ŭžo niekalki miesiacaŭ. Padstava dla jaho źjaŭleńnia — toje, što doŭhija viejki byccam by robiać mužčyn vizualna mienš mužnymi. Tamu chłopcy prosiać cyrulnikaŭ padrezać im viejki nažnicami abo śpiecyjalnym trymieram.

Adzin z samych papularnych rolikaŭ na hetuju temu nabraŭ bolš za 800 tysiač prahladaŭ.

@ahmadrezanikzad Really? #plankton #Eyelashes #cut #shave #fyp #viral ♬ Originalton - ᴀʜᴍᴀᴅ ʀɴ

@billybeebaddestbitch No they are not doing this so that their eyelashes will grow thicker and longer. They are doing this because of toxic masculinity and thinking that they look more masculine with their eyelashes shaved off.. ##toxicmasculinity##eyelashes##shavedeyelashes##men##fyp##mensheslth##wtf##omg##crazy ♬ Montagem Rave Eterno - Dj Samir & Fyex

Karystalniki, jakija pišuć kamientary da hetych i inšych padobnych rolikaŭ, u šoku ad novaj mody. Niekatoryja chłopcy adznačajuć, što naadvarot chacieli b padoŭžyć svaje viejki. Inšyja kamientatary nahadvajuć — viejki isnujuć na našych vačach nie prosta tak, i kali ich pazbaŭlacca, heta moža vyklikać prablemy sa zdaroŭjem.

Dziŭnaja ideja padrazać viejki nie abyšła i žančyn. Niekatoryja dziaŭčaty ličać, što viejki ŭvohule treba vyskubci, kab ich vočy vyhladali naturalna.

Voś jak heta vyhladaje — videa nie dla słabych na niervy:

@marina_sotnikova_muah

Pojaviłsia triend na vyŝipyvanije rieśnic… Tak hłaza jakoby vyhladiat jestiestvienno. Mnie bolno čieriez ekran na eto smotrieť… I hłavnyj vopros, čto niejestiestviennoho v rieśnicach?

♬ Beautiful, in My Skin - Bitty

Daktary zaścierahajuć ad takich krokaŭ. Aftalmołah Ešli Chejden nahadvaje, što niebiaśpiečna vykarystoŭvać u zonie la vačej lubyja vostryja pradmiety, navat kali vy zapluščyli vočy i toj, chto dapamahaje vam padrazać viejki, robić heta akuratna. Kali vy paškodzicie voka, mahčymyja ŭskładnieńni, jakija mohuć paŭpłyvać na vaš zrok.

Dy i zastacca bieź viejkaŭ — nie nadta biaśpiečnaja ideja. Navat kali vy ich tolki troški padrezali, heta pamianšaje abaronu vašych vačej ad pyłu, brudu i inšych razdražnialnikaŭ. Viejki — jašče i abarona ad mikrobaŭ, tak što kali ich padrazać, možna atrymać infiekcyju.

Viejki dapamahajuć chutčej reahavać na mahčymyja pahrozy dla voka: naprykład, kali ŭ bok voka lacić moška ci chatniaja žyvioła ciahnie da voka svaju łapu, viejki dapamohuć svoječasova heta adčuć i zapluščyć vočy. Adpaviedna, kali ich nie budzie, vy možacie nie paśpieć zapluščyć voka i atrymajecie traŭmu.

Kamientary da artykuła