U Kitai pakarali śmierciu čatyroch kanadcaŭ pa abvinavačvańni ŭ kantrabandzie narkotykaŭ
Pavodle zajavy kanadskich uładaŭ, pakarańni adbylisia raniej u hetym hodzie. Atava rašuča asudziła toje, što adbyłosia, piša Bi-bi-si.
Pavodle słoŭ ministra zamiežnych spraŭ Kanady Miełani Žali, usie pakaranyja mieli dvajnoje hramadzianstva. Ich asoby nie raskryvajucca.
U svajoj zajavie Žali nahadała pra spravu kanadca Robierta Šelenbierha. U 2019 hodzie jaho pryhavaryli da śmiarotnaha pakarańnia pa takim ža abvinavačvańni, ale prysud nie byŭ pryviedzieny ŭ vykanańnie.
Pavodle Žali, kanadskija čynoŭniki, uklučajučy byłoha premjer-ministra Džaścina Trudo, uvažliva sačyli za spravaj čatyroch kanadcaŭ i sprabavali praduchilić pakarańni śmierciu.