Staŭ viadomy prysud mytniku Skubiłavu, abvinavačanamu ŭ «zdradzie dziaržavie»

19 sakavika stała viadoma, što 9 śniežnia 2024 hoda byłoha supracoŭnika mytni Dźmitryja Skubiłava ŭ zakrytym režymie asudzili pa abvinavačvańni ŭ zdradzie dziaržavie (častka 1 artykułu 356 KK). Kankretny prysud byŭ nieviadomy, ale ŭ anansavanym filmie ANT jaho nazvali.

Dźmitryj Skubiłaŭ. Skrynšot ź videa

Ź filma ANT stała viadoma, što Dźmitryj Skubiłaŭ naradziŭsia ŭ 1975 hodzie ŭ Astravieckim rajonie. «Praciahły čas» pracavaŭ na Ašmianskaj mytni, afarmlaŭ pieramiaščeńnie transpartu i hruzaŭ.

Jon nibyta mieŭ litoŭski DNŽ, a jahonaja siamja žyła ŭ Vilni. Padčas pajezdak da siamji jaho nibyta i zavierbavali litoŭskija śpiecsłužby.

Pry hetym uletku 2023 hoda supracoŭniki litoŭskaj śpiecsłužby nibyta vyrašyli pravieryć Skubiłava na palihrafie, paśla čaho ŭ kastryčniku taho ž hoda mužčynu pryznali ŭ Litvie pahrozaj nacyjanalnaj biaśpiecy, departavaŭšy ŭ Biełaruś i zabaraniŭšy ŭjezd nazad u krainu, a taksama ŭ dziaržavy Šenhiena. Abskardžańnie vyniku nie dało, a ŭžo na terytoryi Biełarusi mytnika zatrymali. 

Prysud, vyniesieny Skubiłavu na zakrytym sudzie — 9 hadoŭ źniavoleńnia sa štrafam u 500 bazavych vieličyń.

Kamientary da artykuła