Premija Bahuševiča abviaściła šort-list
Siońnia žury abviaściła karotki śpis naminantaŭ na premiju Bahuševiča. Sioleta ŭ im 4 knihi, paviedamlaje «Supołka biełaruskich piśmieńnikaŭ».
«Kniha mohiłak. Biełaruskija pachavańni ŭ śviecie» — Natalla Hardzijenka, Lavon Jurevič
«Stahodździe NN» — Siarhiej Dubaviec
«Ekspedycyja Vacłava Łastoŭskaha 1928 hodu. Zachavanaja spadčyna» — Volha Łabačeŭskaja
«Savieckaja Biełaruś» — Hanna Sieviaryniec
Taksama 2 televizijnyja i 1 YouTube-prajekt:
«Vusy Skaryny» — aŭtar i viadoŭca Cimafiej Akudovič
«Nitka Zorka. Majsternia Kaciaryny Vadanosavaj» — aŭtarka i viadoŭca Kaciaryna Vadanosava
«Biełaruś jak tekst» — kamanda anłajn-časopisa «Taubin»
Premija imia Franciška Bahuševiča była zasnavanaja Biełaruskim PENam u 1996 hodzie i z taho času, pavodle arhanizataraŭ, zastajecca simvałam pošuku praŭdy praz mastackaje słova. Jana ŭručajecca za tvory, što adlustroŭvajuć historyju, kulturu i duchoŭnuju spadčynu Biełarusi. Premija — heta nie tolki pryznańnie, ale i sproba adnavić suviaź ź minułym, adkryć novuju prastoru dla dyjałohu i samavyznačeńnia praz mastackaje słova.