Pad Hrodnam adramantavali most, letaś paškodžany mocnaj zalevaj
U Hrodzienskim rajonie adnavili most pamiž vioskaj Kuncaŭščyna i ahraharadkom Łuckaŭlany, paškodžany ŭ vyniku mocnaj zalevy ŭ žniŭni minułaha hoda, paviedamiła pres-słužba Kamiteta dziaržkantrolu.
Most paśla praviedzienaha ramontu
Paviedamlajecca, što supracoŭniki KDK Hrodzienskaj vobłaści prainśpiektavali vyniki rekanstrukcyi mosta praz raku Łašanka na padjeździe da vioski Kuncaŭščyna, jaki ŭ žniŭni 2024 hoda byŭ paškodžany z-za mahutnaj zalevy. Paciarpieły ŭčastak aŭtamabilnaj darohi źviazvaje viosku Kuncaŭščyna z ahraharadkom Łuckaŭlany i vykarystoŭvajecca dla prajezdu sielskahaspadarčaj techniki.
Most adrazu paśla abvału
Miascovaja darožnaja arhanizacyja (KUP «Hrodnaabłdarbud») u karotkija terminy adnaviła transpartnyja znosiny na paškodžanym učastku aŭtadarohi. Most užo ŭviedzieny ŭ ekspłuatacyju, a najbližejšym časam buduć afarbavanyja jahonyja fasady i pasiejanaja trava na adchonach.
Čytajcie taksama:
U Minsku znoŭ zahavaryli pra znos pryvatnaha siektara ŭ rajonie Arłoŭskaj
Jak ciapier vyhladaje most u centry Minska, jaki ŭžo dvojčy stvaraŭ prablemy kiroŭcam?
Što za znaki stajać uzdoŭž Śvisłačy ŭ Minsku? Źjaviŭsia aficyjny adkaz