Biełarusu chacieli pierasłać z-za miažy 14 tysiač jeŭra ŭ paštovaj pasyłcy
Pry praviercy pasyłki, adpraŭlenaj z Hrecyi na adras biełarusa, mytniki vyjavili zamiežnuju valutu. Usiaho nabrałasia 14 000 jeŭra. Supracoŭniki punkta mytnaha afarmleńnia «Minskaja pošta» kanfiskavali hetyja hrošy da rašeńnia suda.
Fota: Dziaržaŭny mytny kamitet
Niahledziačy na zabaronu pieramiaščeńnia valuty praz mytnuju miažu ŭ mižnarodnych paštovych adpraŭleńniach, u dekłaracyi adpraŭnik paznačyŭ, što ŭ pasyłcy znachodzicca 179 jeŭra.
«Pry ŭskryćci adpraŭleńnia ŭstanoŭlena, što siarod praduktaŭ charčavańnia, adzieńnia, kancylaryi i inšych pradmietaŭ znachodzicca jašče 5 kanviertaŭ i 13 papiarovych skrutkaŭ sa schavanymi hrašovymi srodkami», — raskazali ŭ Dziaržaŭnym mytnym kamitecie.
Pa hetym fakcie Minskaja rehijanalnaja mytnia pačała administracyjny praces.
Čytajcie taksama:
U Šviejcaryi ŭ mašynie ŭ biełarusa i izrailcianina znajšli 61 kh psichatropu
Z sakavika ŭzmacnili kantrol na litoŭskaj miažy? Voś što kažuć
Ź Biełarusi ŭ Rasiju chacieli vyvieźci bujnuju partyju łasosia