Za minuły hod kolkaść ekanamičnych złačynstvaŭ u Biełarusi vyrasła amal na 20 pracentaŭ

U 2024 hodzie ŭ Biełarusi było zarehistravana 73 270 złačynstvaŭ — na 14,2% mienš, čym u 2023-m (85 374), piša «Radyjo Svaboda» sa spasyłkaj na praviedzieny vydańniem «Pozirk» analiz źviestak Nacyjanalnaha statystyčnaha kamiteta. Ale złačynstvaŭ ekanamičnaha charaktaru kolkaść, naadvarot, vyrasła.

Fota ilustracyjnaje

Kolkaść złačynstvaŭ, učynienych «suprać paradku ažyćciaŭleńnia ekanamičnaj dziejnaści», za hod stała bolšaj na 19,3% (rost z 1 560 da 1 861).

Ahułam było kvalifikavana:

• jak «vyrab, zachoŭvańnie abo zbyt padroblenych hrošaj abo kaštoŭnych papier» — 470 zarehistravanych złačynstvaŭ, abo 25,3% ad ahulnaj kolkaści (letaś było 566; −17%),

• «uchileńnie ad vypłaty sum padatkaŭ, zboraŭ» — 283, abo 15,2% (229; +23,6%),

• «nabyćcio abo zbyt materyjalnych kaštoŭnaściaŭ, zahadzia zdabytych złačynnym šlacham» — 66, abo 3,6% (50; +32%).

Vyjaŭlena 1 086 asob, jakija ŭčynili złačynstvy ekanamičnaha charaktaru (651; +66,8%).

Usiaho ž, zhodna z aficyjnaj statystykaj, było vyjaŭlena 37 839 hramadzian, jakija ŭčynili złačynstvy (u 2023 hodzie było 38 660; −2,1 pracenta).

Kamientary da artykuła