Ukraina zabłakuje tele— i radyjotranślacyju ź Biełarusi
Va Ukrainie zaćvierdžanaje Pałažeńnie ab sistemie śpiecyjalnaj teleradyjotranślacyi, zhodna ź jakim tele– i radyjosihnały ź Biełarusi buduć zabłakavanyja. Pra heta paviedamiŭ pradstaŭnik ukrainskaha ŭrada ŭ Viarchoŭnaj Radzie Taras Mielničuk.
«Sistema śpiecyjalnaj teleradyjotranślacyi pryznačanaja dla błakavańnia sihnałaŭ naziemnaj televizijnaj tranślacyi i radyjotranślacyi ŭ FM-dyjapazonie radyjočastot, jakija raspaŭsiudžvajucca z terytoryi RF, Respubliki Biełaruś i prydniastroŭskaha rehijonu Respubliki Małdova, a taksama z terytoryj, na jakich viaducca (vialisia) bajavyja dziejańni, abo z časova akupavanych RF terytoryj, vyznačanych zahadam Ministerstva raźvićcia», — napisaŭ Taras Mielničuk.
Aprača taho, Kabiniet ministraŭ Ukrainy spyniŭ dziejańnie pahadnieńnia z rasijskim uradam ab supracoŭnictvie ŭ halinie suviazi. Hetaje pahadnieńnie było padpisana ŭ Kijevie jašče ŭ 1993 hodzie.
Čytajcie taksama:
Ukraina denansavała pahadnieńnie ab supracy i kaapieracyi ź Biełaruśsiu ŭ VPK
Ukraina razarvała pahadnieńnie ź Biełaruśsiu ab sudnachodstvie