Ukraina denansavała pahadnieńnie ab supracy i kaapieracyi ź Biełaruśsiu ŭ VPK
Urad Ukrainy ŭchvaliŭ rašeńnie spynić dziejańnie mižuradavaha pahadnieńnia ź Biełaruśsiu ab vytvorčaj i navukova-techničnaj kaapieracyi pradpryjemstvaŭ i arhanizacyj abaronnych halin pramysłovaści. Ministerstvu zamiežnych spraŭ Ukrainy daručana paviedamić biełaruskamu boku ab uchvalenym rašeńni, piša Radyjo Svaboda.
Biełaruś i Ukraina padpisali mižuradavaje pahadnieńnie ab vytvorčaj i navukova-techničnaj kaapieracyi pradpryjemstvaŭ i arhanizacyj abaronnych halin pramysłovaści 25 červienia 2001 hoda. Jano nabyło jurydyčnuju moc 1 lipienia 2002 hoda.
Pahadnieńnie praduhledžvała ŭzajemavyhadnuju kaapieracyju miž subjektami haspadarańnia Biełarusi i Ukrainy ŭ śfierach raspracoŭki i vytvorčaści pradukcyi vajskova-techničnaha pryznačeńnia, pasłuh takoha pryznačeńnia, a taksama pastaŭku materyjałaŭ, paŭfabrykataŭ, detalaŭ, navučalnaj i dapamožnaj majomaści dla ŭłasnych patrebaŭ, nieabchodnych dla vyrabu ŭzbrajeńnia i vajskovaj techniki.
Pahadnieńnie padpisvali na try hady z aŭtamatyčnym padaŭžeńniem dziejańnia. Jano stracić siłu praz šeść miesiacaŭ paśla atrymańnia piśmovaha paviedamleńnia druhoha boku ab vychadzie z pahadnieńnia.
Urad Ukrainy ŭchvaliŭ rašeńnie ab denansacyi 2 žniŭnia.
Čytajcie taksama:
Ukraina razarvała pahadnieńnie ź Biełaruśsiu ab sudnachodstvie
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary