U načnym pažary ŭ Minsku zahinuŭ mužčyna
Trahiedyja zdaryłasia na vulicy Matusieviča.
Zvanok ratavalnikam pastupiŭ u 04:37 — minak zaŭvažyŭ pažar u kvatery na pieršym paviersie doma pa adrasie Matusieviča, 11.
Ratavalniki vyjavili ŭzharańnie paścielnaj bializny na kanapie ŭ adnym z žyłych pakojaŭ, a taksama 54-hadovaha mužčynu biez prytomnaści z apiokami cieła. Jaho pieradali miedykam, adnak paciarpieły pamior padčas reanimacyjnych dziejańniaŭ.
80-hadovaha baćku zahinułaha, jaki byŭ u inšym pakoi, ratavalniki vyvieli na śviežaje pavietra i pieradali miedykam.
Papiaredniaja pryčyna pažaru — nieaściarožnaje abychodžańnie z ahniom padčas kureńnia.