USU vyzvalili siało na Łuhanščynie. Apieracyja tryvała 30 hadzin
Pa słovach ukrainskich vajskoŭcaŭ, vyzvaleńnie siała Nadzija dazvoliła vyraŭniać liniju abarony i atrymać bolš vyhadnyja pazicyi.
Skrynšot videa 3 AŠbr
Treciaja šturmavaja bryhada zajaviła ab adnaŭleńni kantrolu nad nasielenym punktam Nadzija ŭ Łuhanskaj vobłaści na Limanskim napramku.
Sielišča Rasija zmahła zaniać u pačatku sakavika, ale praź niekalki tydniaŭ USU zdoleli jaho adbić. Ukrainskija vajskoŭcy śćviardžajuć, što ŭziaćcie Nadzii kaštavała rasijanam dvuch miechanizavanych pałkoŭ.
Apieracyja pa vyzvaleńni sielišča tryvała 30 hadzin.
U 3-j AŠBr zajavili, što ŭziaćcie Nadzii dazvolić efiektyŭna trymać pad ahniavym kantrolem bližejšyja akupavanyja nasielenyja punkty Rajharadku i Džarelnaje, a taksama ŭskładniaje mahčymaści miechanizavanaha nastupu praciŭnika.