Wildberries zapuściŭ dastaŭku ŭ Biełarusi za dźvie hadziny
Markietpłejs Wildberries abviaściŭ pra zapusk novaha farmatu dastaŭki ŭ Biełarusi — «Kurjer ekspres». Jon dazvalaje klijentam atrymlivać tavary z punktaŭ vydačy zakazaŭ da dźviarej ciaham dźviuch hadzin z momantu afarmleńnia zamovy ŭ dadatku. Pra heta paviedamili Office Life u pres-słužbie kampanii.
Fota: Office Life
Pakul što pasłuha dastupnaja tolki dla žycharoŭ Minska i tolki praz sajt, adnak u najbližejšy čas płanujecca pašyreńnie servisu na ŭsiu terytoryju Biełarusi.
Paśla pastupleńnia zamovy ŭ punkt vydačy zakazaŭ u karystalnika źjavicca śpiecyjalnaja knopka dla vykliku kurjera. Dastaŭka budzie biaspłatnaj i ździejśnienaj ciaham dźviuch hadzin z momantu vykliku abo ŭ abrany časavy słot.
Jak adznačajecca ŭ paviedamleńni, z zapusku novaj pasłuhi ahulny achop kurjerskaj dastaŭki Wildberries pieravysić 260 haradoŭ.
Čytajcie taksama:
Wildberries pačaŭ pradavać biełaruskija aŭtamabili Belgee
Wildberries zapuściŭ placoŭku z karotkimi rolikami pra tavary