Na vajnie va Ukrainie ŭpieršyniu zahinuŭ rasijski vajskoviec 2007 hoda naradžeńnia
Na vajnie va Ukrainie zahinuŭ student Čalabinskaha miedycynskaha kaledža Alaksandr Piatlinski, jaki naradziŭsia 31 studzienia 2007 hoda, piša «Miedyjazona».
Padrabiaznaściej pra śmierć praktyčna niama — paznačana tolki, što Piatlinski pamior 9 sakavika «pry vykanańni voinskaha abaviazku».
Pavodle imiennaj bazy zahinułych, jakuju «Miedyjazona» viadzie razam z ruskaj słužbaj Bi-bi-si, Piatlinski — pieršy vajskoviec 2007 hoda naradžeńnia, čyja śmierć paćvierdžanaja na hetaj vajnie.
Pry hetym jon — nie samy małady zahinuły: rasijskija sałdaty va ŭzroście 18 hadoŭ hinuli raniej, adnak Piatlinski naradziŭsia paźniej za ŭsich.