U Kapylskim rajonie zaviali kryminalnuju spravu za dva ŭdary pa aharodžy pomnika
U dačynieńni da 38-hadovaha žychara ahraharadka Novyja Doktaravičy Kapylskaha rajona zaviali kryminalnuju spravu pa artykule «Chulihanstva». Vina mužčyny tolki ŭ tym, što jon udaryŭ nahoj aharodžu miemaryjalnaha kompleksu «Mahiła achviar fašyzmu».
Miemaryjalny kompleks «Mahiła achviar fašyzmu» ŭ ahraharadku Novyja Doktaravičy Kapylskaha rajona. Fota: yandex.by
Śledčy kamitet nazvaŭ heta «aburalnym vypadkam», «cyničnaj niepavahaj da śviatoha miesca» i «bluźnierskim učynkam».
Incydent adbyŭsia 8 sakavika. 38-hadovy mužčyna, znachodziačysia ŭ stanie ałkaholnaha apjanieńnia, dva razy ŭdaryŭ nahoj pa bietonnaj paneli, paškodziŭšy aharodžu pomnika.
Śledčy kamitet paviedamlaje, što na miesca zdareńnia nieadkładna vybyła śledča-apieratyŭnaja hrupa. Śledčyja zafiksavali ślady, apytali vidavočcaŭ i pryznačyli ekśpiertyzy. Mužčynu zatrymali.
Na dopycie jon raskajaŭsia, patłumačyŭ svaje pavodziny praźmiernym užyvańniem ałkaholu napiaredadni i paabiacaŭ samastojna likvidavać paškodžańni i pakryć naniesienuju škodu.
Čytajcie taksama:
U rasijskaj Razani mužčyna žyŭcom zhareŭ kala čašy Viečnaha ahniu
U Vilni za apahańvańnie miemaryjała achviaram represij u Biełarusi sudziać prarasijskaha błohiera