Pamierła narodnaja artystka Biełarusi Kłara Małyšava
Narodnaja artystka Biełarusi Kłara Małyšava pamierła 26 sakavika, joj było 89 hadoŭ, paviedamiŭ Vialiki teatr opiery i baleta.
Kłara Małyšava naradziłasia ŭ 1935 hodzie ŭ Rasii. Paśla vajny pastupiła ŭ Horkaŭskaje chareahrafičnaje vučylišča, a zatym praciahnuła navučańnie ŭ Piermi. Niadoŭha Kłara Małyšava pracavała ŭ Horkaŭskim teatry opiery i baleta, paśla pierajechała ź siamjoj u Biełaruś: jaje muž, znakamity chareohraf Atar Dadziškilijani byŭ zaprošany ŭ Vialiki teatr.
Na biełaruskaj scenie jana vykanała kala dvuch dziasiatkaŭ viadučych i solnych partyj.
Zaviaršyŭšy tancavalnuju karjeru, na praciahu 15 hadoŭ Kłara Małyšava była mastackim kiraŭnikom chareahrafičnaha vučylišča ŭ Minsku, zatym praciahnuła vykładać.
U 1983-2005 hh. Małyšava viała majstar-kłasy ŭ Japonii i stała pieršaj žančynaj, adznačanaj vyšejšaj uznaharodaj hetaj krainy dla dziejačaŭ mastactva — ordenam Uzychodziačaha Sonca — za asablivy ŭkład u raźvićcio japonskaha baleta.