U Hrodnie vypadkova spynili fihuranta kryminałki za 2020 hod. Jon złamaŭ ruku milicyjanieru i sihanuŭ u raku
33-hadovy Mikita Samaryn byŭ u vyšuku z 2021 hoda.
Skrynšot ź videa: MUS
Imia zatrymanaha chłopca — Mikita Samaryn. U śniežni 2020 hoda jon byŭ asudžany da 4 hadoŭ chimii za toje, što raspyliŭ haz padčas pikieta kala Kastryčnickaha RAUSa Hrodna.
Adnak paśla prysud jamu zamianili na 2,5 hoda kałonii. Samaryn nie pajšoŭ na apielacyju i zastaŭsia na svabodzie. Uvieś čas paśla suda Mikita chavaŭsia ad siłavikoŭ.
Učora a 23-j hadzinie viečara milicyjaniery zaŭvažyli jaho ŭ adnym z žyłych kompleksaŭ Hrodna. Pry sabie ŭ jaho nie było paśviedčańnia asoby, a dadzienyja, jakija jon nazvaŭ, adsutničali ŭ bazie MUS.
Pa infarmacyi milicyi, kali Mikitu skazali jechać u RAUS, jon złamaŭ adnamu ź milicyjanieraŭ ruku i pasprabavaŭ uciačy ad ich praz raku. Ale jaho dahnali i zatrymali.
Mikita Samaryn. Fota: sacsietki
U Hrodnie Samaryn pracavaŭ aŭtarestaŭrataram, byŭ siabram kłubu rekanstruktaraŭ retraaŭtamabilaŭ «Vintaž». Nie raz udzielničaŭ u fotasiesijach i haradskich festach.
@nashaniva Aryštavali chłopca, jaki čatyry hady chavaŭsia ad milicyi #politika #novosti #biełaruś ♬ Toccata and Fugue in D Minor, BWV 565: Fugue - Peter Hurford