Kiroŭca rejsavaha aŭtobusa chacieŭ uvieźci praź miažu 450 srebnych maniet
Supracoŭniki Bresckaj mytni vyjavili ŭ rejsavym aŭtobusie «Terespal — Brest» tajnik z 450 srebnymi manietami, paviedamlaje pres-słužba Dziaržaŭnaha mytnaha kamiteta.
Pry prachodžańni miažy 67-hadovy kiroŭca zajaviŭ, što nie maje tavaraŭ, jakija padlahajuć dekłaravańniu. Adnak padčas nadhladu mytniki znajšli schavanyja maniety ŭ nožcy adnaho ź siadzieńniaŭ.
Paśla vyjaŭleńnia tajnika mužčyna patłumačyŭ, što jaho paprasili pieravieźci hety hruz.
Kanfiskavanyja maniety nakiravali na ekśpiertyzu. Śpiecyjalisty vyśvietlili, što 364 ź ich źjaŭlajucca kulturnymi kaštoŭnaściami, bo ich uzrost pieravyšaje 100 hadoŭ. Ahulny košt kalekcyi aceńvajecca ŭ 105 tysiač rubloŭ.
Suprać kiroŭcy zaviali administracyjnuju spravu. Jamu pahražaje štraf da 30 bazavych vieličyń (1260 rubloŭ), a taksama kanfiskacyja maniet i transpartnaha srodku.
Čytajcie taksama:
Baranavicki klinier znajšoŭ vialikuju sumu hrošaj u padušcy klijentki
Dvuchrublovuju manietu pradajuć na aŭkcyjonie za 490 rubloŭ. Čamu tak doraha?
Z aŭkcyjonu ŭ Biełarusi pradajuć dziesiacidalaravuju kupiuru čyrvonaha koleru stohadovaj daŭniny
Amal 30 kiłahramaŭ. Biełarus dziesiać hadoŭ źbiraŭ maniety: voś kolki ŭdałosia sabrać