Dvuchrublovuju manietu pradajuć na aŭkcyjonie za 490 rubloŭ. Čamu tak doraha?
Na internet-aŭkcyjonie ay.by źjaviŭsia niezvyčajny łot: manieta naminałam 2 biełaruskija rubli vystaŭlenaja na prodaž za 490 rubloŭ. Heta ŭ 245 razoŭ daražej za jaje naminalny košt. Pryčyna takoj vysokaj cany — mahčymy čakanačny brak: u maniety zrušanaja centralnaja ŭstaŭka, piša «Anłajnier».
Žurnalisty źviarnulisia da numizmata, kab zrazumieć, ci sapraŭdy hetaja manieta kaštuje tych hrošaj, jakija za jaje prosiać. Ale toj vykazaŭ sumnievy ŭ sapraŭdnaści braku.
«Hetaja manieta vyklikaje vielmi šmat pytańniaŭ. Kali tut brak, zrušeńnie centralnaj ustaŭki, to heta, z adnaho boku, vydatny łot dla kalekcyjaniera. Ale vyklikaje šmat pytańniaŭ stan maniety i defarmacyja centralnaj ustaŭki (vypukłaść).
Uličvajučy takuju surjoznuju defarmacyju centralnaj ustaŭki, pytańnie: jak hetaja manieta zmahła być u abaračeńni, što stała takoj znošanaj? Bo kali b jana była pieršapačatkova takoj na manietnym dvary, jaje b nikoli nie vypuścili ŭ abaračeńnie. Tady pytańnie: jakim čynam jana apynułasia ŭ pradaŭca?»
Apisańnia padrabiaznaściaŭ u łocie nie majecca, pradaviec biez vodhukaŭ na placoŭcy. Jość vielmi vysokaja ryzyka, što hety brak atrymany miechaničnym uździejańniem, i tady takaja manieta nie maje kaštoŭnaści.
I jašče pytańnie: čamu pradaviec stavić fiksavanuju canu? Zvyčajna takija łoty vystaŭlajucca šlacham «tarhoŭ» i startujuć ź minimalnaj ceny.
Aŭkcyjon zavieršycca 29 sakavika, ale ci addaść chtości paŭtysiačy rubloŭ za takuju manietu — pytańnie adkrytaje.
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary