«Ciapier ja na ŭkołach i antybijotykach». Apošniaje paviedamleńnie ad Anžaliki Mielnikavaj było pra ciažkuju chvarobu

Apošniaje paviedamleńnie, jakoje atrymali ad śpikierki Anžaliki Mielnikavaj delehaty Kaardynacyjnaj rady, było pryśviečana jaje ciažkamu stanu zdaroŭja. Pakolki ŭsie dumali, što jana chvareje, to nichto žančynu asabliva i nie šukaŭ.

Anžalika Mielnikava

«U mianie ŭskładnieńnie paśla kavidu, i siońnia paćvierdziłasia zapaleńnie lohkich. Ciapier ja na ŭkołach i antybijotykach.

Kali ŭźniknie niešta sapraŭdy važnaje i terminovaje, ja zaŭsiody budu na suviazi i zmahu ŭdzielničać u nieadkładnych naradach / zvankach praz Zoom. Ale prašu pastavicca z razumieńniem — ja budu na balničnym bližejšyja dva tydni», — napisała ŭ svaim apošnim paviedamleńni ŭ čacie Kaardynacyjnaj rady Anžalika Mielnikava.

Jak vyjaviłasia, praź niejki čas Mielnikava vylecieła ź Jeŭrasajuza, nie papiaredziŭšy nikoha. Ciapier suviazi sa śpikierkaj niama.

Kamientary da artykuła