Tysiačy nielehalnych mihrantaŭ ź Biełarusi apynajucca ŭ Hiermanii
Za apošnija 14 miesiacaŭ praź Biełaruś i Polšču ŭ Hiermaniju pranikli 4 957 nielehalnych mihrantaŭ.
Zabiaśpiečanyja leśvicami mihranty iduć uzdoŭž polskaj miažy. Fota: Straż Graniczna
Tysiačy nielehalnych mihrantaŭ, jakija niezakonna traplajuć u ES praź biełaruska-polskuju miažu, u vyniku apynajucca ŭ Hiermanii. Pra heta śviedčać apošnija danyja Fiederalnaj palicyi FRH, jakija atrymaŭ Bild.
Za apošnija 14 miesiacaŭ praź Biełaruś i Polšču ŭ Hiermaniju pranikli 4 957 nielehalnych mihrantaŭ. Bolšaść ź ich (kala 3 700 čałaviek) — vychadcy z Afhanistana, Siryi, Samali, Irana i Indyi.
Pavodle źviestak polskich śpiecsłužbaŭ, biełaruskija ŭłady sistematyčna zabiaśpiečvajuć mihrantaŭ srodkami dla pierasiačeńnia miažy na ŭschodzie Polščy i navat padšturchoŭvajuć ich da ŭžyvańnia hvałtu. U 2024 hodzie mihranty paranili 10 polskich pamiežnikaŭ, adzin ź ich zahinuŭ u vyniku napadu z nažom.