U Škłoŭskim rajonie dziaŭčynka padpaliła sałomu ŭ chlavie i narabiła biady
Infarmacyja ab uzharańni pastupiła 28 sakavika ŭ 12:25. Chleŭ hareŭ u vioscy Ziamcy Škłoŭskaha rajona, paviedamiła pres-słužba MNS.
Da prybyćcia ratavalnikaŭ budynak byŭ achopleny adkrytym połymiem. Uzharańnie ŭdałosia apieratyŭna likvidavać.
U vyniku pažaru častkova źniščany dach chlava, paškodžanyja ścieny i siena, jakoje znachodziłasia ŭnutry.
Pryčynaj pažaru stała svavolstva z ahniom 10-hadovaj plamieńnicy haspadyni. Dziaŭčynka ŭziała zapałki i padpaliła sałomu ŭ chlavie, što i pryviało da pažaru.