U Amsterdamie mužčyna nažom paraniŭ ludziej. Padazravany — ukrainiec z Danieččyny
Zdareńnie adbyłosia 27 sakavika pablizu centralnaj płoščy Amsterdama. Ad dziejańniaŭ mužčyny z nažom paciarpieli 5 čałaviek. Niderłandskaja palicyja paviedamlaje, što napadnik — ukrainiec z Danieckaj vobłaści, piša niderłandski hramadski viaščalnik NOS.
Skrynšot ź videa
27 sakavika mužčyna z nažom napaŭ na ludziej kala amsterdamskaj płoščy Dam. Paśla napadnika pavaliŭ na ziamlu brytanski turyst i trymaŭ jaho da prybyćcia palicyi.
Palicyjantam było ciažka vyśvietlić asobu padazravanaha, pakolki padčas zatrymańnia ŭ jaho byli dakumienty ź niekalkimi imionami. Ciapier, adnak, niderłandskija pravaachoŭniki miarkujuć, što napadnikam moh być 30-hadovy ŭkrainiec.
Palicyja dahetul nie ŭstanaviła matyvu napadu. Da rasśledavańnia pryciahnutyja śpiecyjalizavany kryminalny adździeł i palicejskija z adździeła baraćby z teraryzmam.
Siarod tych, chto paciarpieŭ u vyniku napadu, — 67-hadovaja žančyna i 69-hadovy mužčyna z ZŠA, mužčyna 26 hadoŭ z Polščy, 73-hadovaja žančyna ź Bielhii i 19-hadovaja miascovaja žycharka. Napiaredadni było viadoma, što čaćviora paciarpiełych jašče znachodzilisia ŭ balnicy, dvoje ź ich — ciažka paranienyja.
Zatrymanaha taksama špitalizavali z ranieńniem.
Čytajcie taksama:
Minčuk paraniŭ siabie i zapeckaŭ kryvioju čužyja aŭtamabili