«My pieramahli». Chłopčyku z Mahilova ŭviali samy darahi preparat ad śmiarotnaha zachvorvańnia
Arciomu Padjałoŭskamu z Mahilova, u jakoha śmiarotnaje hienietyčnaje zachvorvańnie — mijapatyja Dziušena, uviali leki za 2,9 miljona dalaraŭ u Dubai. Pra heta raskazała jaho maci ŭ instahramie.
«Paśla doŭhich miesiacaŭ chvalavańniaŭ, biaskoncaj baraćby i vašaj kałasalnaj padtrymki — preparat dastaŭleny ŭ kliniku i ŭžo ŭviedzieny! My heta zrabili razam. I niama słoŭ, kab pieradać, jak udziačnyja my kožnamu, chto prajšoŭ hety šlach z nami!
Vaš udzieł — heta nie prosta dapamoha i padtrymka. Heta Cud, vytkany z dobrych sercaŭ», — napisała maci chłopčyka.
Hety samy vialiki zbor u historyi krainy byŭ zakryty za 9 miesiacaŭ.