Kolkaść zahinułych u Mjanmie moža pieravysić 10 tysiač čałaviek
Na ranak 30 sakavika kolkaść zahinułych u vyniku ziemlatrusu ŭ Mjanmie pieravysiła 1,6 tysiačy čałaviek, 3,4 tysiačy atrymali ranieńni, sotni ličacca źnikłymi bieź viestak. Kolkaść zahinułych u Mjanmie moža pieravysić 10 tysiač, piša Reuters.
Ratavalnaja apieracyja ŭ Tajłandzie. Fota: Stephen J. Boitano / LightRocket via Getty Images
Dva ziemlatrusy mahnitudaj 7,7 i 6,4 bała adbylisia ŭ Mjanmie ŭ piatnicu, 28 sakavika. Šturški adčuli ŭ Kitai, Tajłandzie, Banhładeš i Vjetnamie. Akramia taho, u subotu, 29 sakavika, u Mjanmie i Tajłandzie byŭ zafiksavany ziemlatrus mahnitudaj 5,2 bała.
U Tajłandzie abrynuŭsia chmaračos, što budavaŭsia, u Banhkoku zahinuli 17 čałaviek. Pa miery razboru zavałaŭ kolkaść śmierciaŭ budzie pavialičvacca.
U šerahu rehijonaŭ Mjanmy abjaŭlena nadzvyčajnaje stanovišča. Balnicy ź ciažkaściu spraŭlajucca ź situacyjaj. Brakuje techniki dla vyratavalnych prac.
Susiedzi Mjanmy adpravili samaloty z humanitarkaj i ratavalnikami. U hetuju krainu vylecieli i biełaruskija śpiecyjalisty — 66 supracoŭnikaŭ atrada śpiecpryznačeńnia «ZUBR» MNS razam z pošukavymi sabakami.
Pavodle acenak prahnastyčnaha madelavańnia Hieałahičnaj słužby ZŠA, kolkaść zahinułych u Mjanmie moža pieravysić 10 tysiač čałaviek.