Tramp zajaviŭ, što jon «vielmi raźjušany» pavodzinami Pucina

Prezident ZŠA byŭ vielmi razzłavany tym, što Pucin pastaviŭ pad sumnieŭ aŭtarytet Uładzimira Zialenskaha.

Donald Tramp. Fota: Andrew Harnik / Getty Images

Prezident ZŠA Donald Tramp zajaviŭ, što byŭ «vielmi razzłavany» i «raźjušany», kali Uładzimir Pucin pastaviŭ pad sumnieŭ aŭtarytet prezidenta Ukrainy Uładzimira Zialenskaha.

Tramp dadaŭ, što takija vykazvańni «ruchajucca ŭ niapravilnym kirunku», piša NBC.

U piatnicu Pucin zaklikaŭ da stvareńnia va Ukrainie pierachodnaha ŭrada pad mižnarodnym kantrolem, što faktyčna mahło b pryvieści da adchileńnia Zialenskaha ad ułady.

«Kali Rasija i ja nie zmožam damovicca ab spynieńni krovapralićcia va Ukrainie, i kali ja paliču, što vina na Rasii — a tak moža i nie być, — ale kali ja paliču, što heta vina Rasii, ja ŭviadu druhasnyja taryfy na naftu, na ŭsiu naftu z Rasii.

Heta aznačaje, što kali vy kuplajecie naftu ŭ Rasii, vy nie zmožacie vieści biźnies u ZŠA. Budzie 25-pracentny taryf na ŭsiu naftu, ad 25 da 50 pracentaŭ», — zajaviŭ Tramp.

Tramp zajaviŭ, što Pucin viedaje pra jaho złość, ale dadaŭ, što «ŭ ich dobryja adnosiny» i «złość chutka źnikaje… kali jon zrobić pravilny vybar».

Tramp dadaŭ, što jany z Pucinym płanujuć znoŭ parazmaŭlać na nastupnym tydni.

Hetyja vykazvańni Trampa prahučali paśla taho, jak jon raniej krytykavaŭ Zialenskaha, zajaviŭšy, što jamu «nadakučyła» toje, jak toj viadzie vajnu, i nazvaŭ jaho dyktataram.

Kamientary da artykuła