Pucin prapanavaŭ uvieści źniešniaje kiravańnie va Ukrainie dla praviadzieńnia vybaraŭ i paabiacaŭ dabić USU
Takija zajavy jon zrabiŭ pozna ŭviečary ŭ čaćvier, padčas razmovy z marakami padvodnaj łodki «Archanhielsk».
Pavodle słoŭ Pucina, nieabchodna ŭvieści časovaje kiravańnie va Ukrainie pad ehidaj AAN i zachodnich krain, kab «pryvieści da ŭłady dziejazdolny ŭrad, jaki karystajecca davieram naroda», ź jakim Rasija zmoža padpisać mirnuju damovu, paviedamlaje telekanał «Dožd́».
«Možna było b pad ehidaj AAN, ZŠA, ź jeŭrapiejskimi krainami, viadoma ž, z našymi partniorami i siabrami abmierkavać mahčymaść uviadzieńnia va Ukrainie časovaha kiravańnia. Dla taho, kab pravieści demakratyčnyja vybary», — skazaŭ jon.
Jon dadaŭ, što vybary prezidenta Ukrainy letaś nie pravodzilisia, tamu Uładzimir Zialenski «nie moža ličycca lehitymnym kiraŭnikom dziaržavy». Na dumku Pucina, va ŭmovach, što skłalisia, Ukrainaj pačynajuć kiravać «nieanacysckija farmiravańni» kštałtu «Azova».
Pucin taksama zajaviŭ, što Rasija «vałodaje stratehičnaj inicyjatyvaj pa ŭsioj linii frontu» i moža raźbić USU. Pa jaho słovach, rasijskaja armija zachapiła 99% terytoryi Łuhanskaj vobłaści, a taksama bolš za 70% terytoryj Danieckaj, Zaparožskaj i Chiersonskaj abłaściej. Na jaho dumku, Rasija «pastupova, nie tak chutka, jak kamuści chaciełasia b», ruchajecca da dasiahnieńnia zajaŭlenych metaŭ.
U ZŠA prakamientavali prapanovu Pucina ab źniešnim kiravańni va Ukrainie. Pradstaŭnik Rady nacyjanalnaj biaśpieki Biełaha doma zajaviŭ, što kiravańnie va Ukrainie vyznačajecca jaje kanstytucyjaj i narodam krainy.
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA21
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary