«Biełtelekam» pavyšaje ceny na niekatoryja pasłuhi

Apieratar elektrasuviazi «Biełtelekam» paviedamiŭ, što ŭ krasaviku dla jaho abanientaŭ pavialičacca taryfy na asobnyja pasłuhi.

Jak paviedamili ŭ «Biełtelekamie», z 8 krasavika buduć pavyšanyja niekatoryja taryfy na dziasiatki pasłuh dla fizičnych i jurydyčnych asob.

Tak, z nazvanaj daty abanienckaja płata za asnoŭny stacyjanarny telefon vyraście da 4,05 rubla (+17 kapiejek), a košt chviliny złučeńnia — da 0,85 kapiejki (+0,05 kapiejki). Pry hetym mižharodnija zvanki padaražejuć da 2,2 kapiejki za chvilinu (+0,1 kapiejki).

U toj ža čas adznačajecca, što pavyšeńnie taryfaŭ nie zakranie takich pasłuh, jak nadańnie dostupu ŭ Internet (byfly), pakiety pasłuh elektrasuviazi, videakanfierencyja, VPN, a taksama nastupnych:

• nadańnie apierataram elektrasuviazi dostupu da mižnarodnych sietak pieradačy danych, uklučajučy siehmient internet;
• pastajanny dostup u sietku Internet na bazie sietak 2G/3G;
• nadańnie ŭ karystańnie ličbavych mižharodnich i mižnarodnych kanałaŭ;
• efirnaja tranślacyja televizijnych i hukavych prahram;
• dostup da płatformaŭ;
• «Centr videakantrolu»;
• «Razumny prypynak».

Kamientary da artykuła