Premjer Izraila prylacieŭ u Vienhryju niahledziačy na ordar Mižnarodnaha kryminalnaha suda
Premjer-ministr Izraila Bińjamin Nietańjahu prybyŭ u Budapiešt rankam u čaćvier — heta jaho pieršaja pajezdka ŭ jeŭrapiejskuju krainu z taho času, jak Mižnarodny kryminalny sud (MKS) vydaŭ ordar na jaho aryšt.
Fota z fejsbuka ministra abarony Vienhryi
Pra prybyćcio Nietańjahu ŭ Budapiešt paviedamiŭ na svajoj staroncy ŭ Facebook ministr abarony Vienhryi Kryštaf Sałaj-Babraŭnicki.
Premjer-ministr Vienhryi Viktar Orban nakiravaŭ zaprašeńnie Nietańjahu ŭ listapadzie minułaha hoda — na nastupny dzień paśla taho, jak MKS vydaŭ order na jaho aryšt pa padazreńni ŭ datyčnaści da vajennych złačynstvaŭ u Siektary Haza.
Orban abiacaŭ nie vykonvać ordar, niahledziačy na toje, što Vienhryja źjaŭlajecca členam MKS.
«Sardečna zaprašajem u Budapiešt, Bińjamin Nietańjahu!» — napisaŭ Sałaj-Babraŭnicki i apublikavaŭ fota sustrečy izrailskaha premjera ŭ budapiešckim aeraporcie.
U čaćvier Nietańjahu praviadzie sustreču z Orbanam. Pavodle paviedamleńniaŭ ŚMI, Vienhryja abvieścić pra pieranos svajho pasolstva ŭ Izraili z Tel-Aviva ŭ Jerusalim.