U BDU skaračajuć pryjom na płatnaje navučańnie
Biełaruski dziaržaŭny ŭniviersitet va ŭstupnaj kampanii 2025 hoda praduhledžvaje skaračeńnie pryjomu studentaŭ. Pra heta paviedamiŭ rektar BDU Andrej Karol, pieradaje ahienctva «Minsk-Naviny».
Fota ilustracyjnaje
Rektar BDU adznačyŭ, što źmienšana budzie kolkaść miescaŭ na płatnaj formie navučańnia.
«Skaračeńnie miescaŭ na płatnaj formie navučańnia — jak dzionnaj, tak i zavočnaj — heta adna z stratehij raźvićcia VNU», — raskazaŭ Karol.
Jon padkreśliŭ, što heta taksama «reakcyja na zapyt dziaržavy: sioleta kolkaść biudžetnych miescaŭ vyraście na 19».
U cełym u hetaj ustupnaj kampanii płanujecca pryniać na prahramy ahulnaj i śpiecyjalnaj vyšejšaj adukacyi 4193 pieršakurśniki (u minułym hodzie było bolš, 4408).
U tym liku na dzionnuju płatnuju formu prymuć 1401 studenta (na 108 čałaviek mienš, čym u 2024-m), zavočnuju — 142 (—34 studenty), na zavočnuju dla atrymańnia druhoj vyšejšaj adukacyi — 50 (—53).
Čytajcie taksama:
Abaviazkovaje raźmierkavańnie dla studentaŭ-płatnikaŭ pakul nie ŭvodziać
Kolki miedykaŭ nie chapaje ŭ Biełarusi i jak hetyja ličby chavajuć