«Volny chor» rychtuje novy albom i prosić padtrymki
Novy albom «Volnaha choru» pad nazvaj «Naša pieśnia» budzie składacca z 17 biełaruskich tvoraŭ, siarod jakich značnuju častku składaje biełaruskaja charavaja spadčyna, znojdzienaja ŭ Biełaruskaj biblijatecy imia Francyska Skaryny ŭ Łondanie. Pad hety prajekt «Volny chor» abviaściŭ zbor srodkaŭ.
Fota ilustracyjnaje
«My spadziajemsia, što viartańnie zabytych i nieviadomych tvoraŭ uzbahacić našu kulturu i budzie važnaj suviaźziu dla nas z našymi karaniami i našaj historyjaj. U albom taksama ŭvojduć tvory sučasnych kampazitaraŭ, napisanyja na vieršy rasstralanych paetaŭ, niachaj pamiać ab ich hučyć! Buduć u albomie i viadomyja sučasnyja tvory biełaruskich artystaŭ u charavych apracoŭkach, jakija znojduć novaje hučańnie», — anansuje «Volny chor».
Dla zapisu alboma patrebna 4 700 jeŭra, u hetuju sumu ŭvachodziać zapis, źviadzieńnie, masterynh, dyzajn i vypusk nakładu. Pa vyniku albom budzie raźmieščany na ŭsich muzyčnych anłajn-placoŭkach ź biaspłatnym dostupam i vydadzieny nakład kružełak dla biaspłatnaha raspaŭsiudu.
Padtrymać novy albom možna pa spasyłcy.
Čytajcie taksama:
11 piesień-zaklonaŭ — u Anastasii Rydleŭskaj vyjšaŭ novy albom na troch movach
«Tancavała ryba z rakam». Jak pa-biełarusku hučyć pieśnia z kryndžovaha tyktoka