U Breście za adnu bazavuju pradajuć budynak, padobny da krepaści
Na aŭkcyjonnaj placoŭcy BUTB-majomaść usiaho za adnu bazavuju vieličyniu pradajuć cylindryčnuju pabudovu z čyrvonaj cehły, jakaja padobnaja na frahmient krepaści, zaŭvažyła Blizko.by. Ale heta nijakaja nie krepaść.
Pabudova znachodzicca pa adrasie: Brest, vuł. Chrustalnaja, 31a. U apisańni łota skazana: «Paviarchovaść 2-3, hod pabudovy — niama źviestak, źniešniaja płošča 208 kv. m, ścieny — cehła». Ułaśnikam majomaści źjaŭlajecca Brescki haradski vykanaŭčy kamitet.
Pa fota vidać, što ŭ nižniaj častcy pabudova ŭzmocnienaja bietonnymi plitami. Pošukaviki śviedčać, što hetaja padobnaja da krepaści pabudova — staraja pompavaja stancyja.
Karystalniki pakidajuć vodhuki na Jandeks.Kartach:
«Staić užo kolki hadoŭ i ničoha nie mohuć zrabić ci adnavić»;
«Pad budynkam lepš nie chadzić. Absypajecca cehła. Uvachod u budynak zabietanavany»;
«Razvaliny. Moža być niebiaśpiečna».
Pabudova pradajecca ŭsiaho za adnu bazavuju vieličyniu (42 rubli).
Pry hetym u abjavie skazana, što pradajecca jana pad znos.
Čytajcie taksama:
Biełarus za 120 rubloŭ nabyŭ dziciačy sadok i choča zrabić ź jaho sałon pryhažości
U Lidskim rajonie možna nabyć pad žyllo budynak byłoj čyhunačnaj stancyi 120-hadovaha ŭzrostu
U Biarozaŭskim rajonie žančyna nabyła praz aŭkcyjon chatu svajoj babuli