U Lidskim rajonie možna nabyć pad žyllo budynak byłoj čyhunačnaj stancyi 120-hadovaha ŭzrostu
Na aŭkcyjonnaj placoŭcy Gostorg źjaviŭsia cikavy łot. U Lidskim rajonie pradajuć šmatkvaterny žyły dom, jaki pieršapačatkova budavaŭsia jak čyhunačnaja stancyja, zaŭvažyła Blizko.by. Hod pabudovy — 1905-y.
Budynak znachodzicca ŭ vioscy Kirjanaŭcy Dubrovienskaha sielsavieta Lidskaha rajona, pobač z prypynačnym punktam ciahnikoŭ Kirjanaŭcy na linii Maładziečna-Lida. Na fasadzie jaho da hetaha času zachavałasia tablički z nadpisam «p. p. Kirjanaŭcy» i «Kirjanaŭcy Biełaruskaj čyhunki».
Čyhunačnaja encykłapiedyja RailWayz.info śćviardžaje, što hety budynak raniej vykarystoŭvaŭsia dla patreb pasažyraŭ. Ciapier na prypynku jość tolki šylda na płatformie, i navat zvyčajnaja łaŭka — redkaść.
Budynak vykarystoŭvaŭsia jak stancyjny ŭ tyja časy, kali ruch pa linii byŭ ažyŭlenym, a pasažyrapatok na stancyi byŭ našmat bolšy, čym ciapier.
Pradajuć nie ŭvieś dom, a tolki dolu ŭ im, pryčym vielmi niezvyčajnuju: 37/158. Ahulnaja płošča — 36,6 kv.m., žyłaja — 26,4 kv. m. Heta płošča nie ŭsiaho doma, a toj doli, jakaja pradajecca. Jana zaštrychavanaja na malunku zialonym.
Ahulnaja ž płošča doma — 153 kv. m, ź ich žyłaja — 107 kv. m. Fizičny znos doma składaje 54%.
Taksama da žyłoha pamiaškańnia kupcu dadajucca dva chlavy płoščaj u 13 i 7 kv. m, a taksama daščanaja prybiralnia płoščaj u 1 kv. m.
Startavy košt łota — 3913 rubloŭ, krok tarhoŭ — 5%. Takim čynam, pieramožcu tarhoŭ dom dastaniecca jak minimum za 4108 rubloŭ. Taksama pieramožca tarhoŭ pavinien budzie apłacić vydatki na praviadzieńnie aŭkcyjonu (ich pamier pakul nie nazyvajecca).
Aŭkcyjon adbudziecca 21 krasavika.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary
Tam ža ūsio naūkol peūna zdzičelaje, jak mnie i treba.
Alie kab biez susiedziaū jašče, kab nichto pobač nia švendaū.
Siadzi siabie ū liesie, jak u rajskich kuščach!