Nazvany pamier siaredniaha płaciažu ŭ sistemie ARIP
Mahčymaściami Adzinaj raźlikovaj i infarmacyjnaj prastory štodnia karystajucca miljony biełarusaŭ i dziasiatki tysiač pradpryjemstvaŭ, piša Tochka.by.
Tak, ARIP u 2024 hodzie pravioŭ płaciažoŭ na sumu Br40,8 młrd praz AIS «Raźlik».
Siaredniaja suma adnoj apieracyi skłała 62 rubli 20 kapiejek.
U sistemie «Raźlik» zarehistravana kala 38,7 tys. pastaŭščykoŭ pasłuh i 79,5 tys. pasłuh, dastupnych dla apłaty.
Da sistemy «Raźlik-ŽKH» padklučana 330 arhanizacyj, što zajmajucca naličeńniem płaciažoŭ za žyllova-kamunalnyja pasłuhi.
Jany achoplivajuć bolš za 2,2 młn damoŭ u 19,7 tys. nasielenych punktach. Štomiesiac u sistemie pravodzicca zvyš 10 młrd apieracyj.
Što tyčycca mižbankaŭskaj sistemy identyfikacyi (MSI), u joj zarehistravana 6,75 młn ulikovych zapisaŭ fizičnych asob, a taksama 322 tys. — jurydyčnych asob i indyvidualnych pradprymalnikaŭ.
Za čas pracy sistemy praviedziena bolš za 13 młn pracedur aŭtentyfikacyi, u tym liku 12,4 młn — dla fizičnych asob, amal 700 tys. — dla jurydyčnych asob i pradprymalnikaŭ.