Zahinuły ad vybuchu ŭ Bresckim rajonie padletak prynios bojeprypas z vysachłaj sažałki — SK
Śledčyja praciahvajuć vyśviatlać abstaviny trahiedyi, jakaja zdaryłasia 4 krasavika ŭ Bresckim rajonie. Pavodle papiaredniaj infarmacyi, padletak znajšoŭ minamiotnuju minu na dnie vysachłaj sažałki, što znachodzicca ŭ niekalkich sotniach mietraŭ ad doma.
Znojdzieny bojeprypas chłopčyk pieranios na dvor i častkova razabraŭ. Pa asnoŭnaj viersii, u vyniku adbyłasia detanacyja vybuchoŭki, jakuju padletak trymaŭ u rukach.
Pavodle papiarednich źviestak, bojeprypas moh zachoŭvacca ŭ sažałcy jašče z savieckaha času ci navat z časoŭ Druhoj suśvietnaj vajny.
Inšych vybuchovaniebiaśpiečnych pradmietaŭ tam nie znojdziena.
Viečaram 4 krasavika ŭ siale Stradzičy ŭ adnym z dvaroŭ vybuchnuŭ niejki bojeprypas. U zonie paražeńnia apynulisia mužčyna i jaho ŭnuki (14 i 15 hadoŭ). Ad atrymanych traŭmaŭ adzin z padletkaŭ pamior. Piensijanieru i druhomu dziciaci ekstranna akazvałasia miedycynskaja dapamoha.