U kramach źnikła papularnaje raślinnaje małako. U čym pryčyna?
Pakupniki zaŭvažyli, što časam u minskich kramach niama ci mały asartymient raślinnaha małaka Planto (raniej jano nazyvałasia Alpro) i inšych małočnych praduktaŭ ad jeŭrapiejskaj kampanii Danone.
Foto: Planto
U Hałoŭnym upraŭleńni handlu i pasłuh Minharvykankama rastłumačyli, što deficyt hetaj pradukcyi źviazany z damoŭnymi adnosinami pamiž vytvorcam i pastaŭščykami.
«Raniej u Respublicy Biełaruś pastaŭkami vyšejzhadanych tavaraŭ zajmaŭsia adzin bujny imparcior, — raskazaŭ «Minsk-Navinam» načalnica Hałoŭnaha ŭpraŭleńnia handlu i pasłuh Minharvykankama Alena Nahornaja. — Niadaŭna vytvorca pradukcyi ŭ Rasijskaj Fiederacyi i pastaŭščyk spynili supracoŭnictva. Novym pastaŭščykom ŭžo abranaja inšaja kampanija. Na dadzieny momant novy imparcior zaklučaje dahavory na realizacyju pradukcyi z bujnymi handlovymi sietkami ŭ Biełarusi».
Bolšaść z tavaraŭ nazvanych handlovych marak płanujuć pačać pastaŭlać u Biełaruś užo 7 krasavika.
U vieraśni 2023 hoda rasijskaje pradstaŭnictva Danone pierajmienavali ŭ Health & Nutrition. Byli pierajmienavany ŭ suhučnyja i nazvy papularnych małočnych praduktaŭ hetaha vytvorcy.