Jeŭrapiejski ŭniviersitet zaličyŭ pieršaha studenta — štučny intelekt
Vienski ŭniviersitet prykładnoha mastactva ŭ Aŭstryi staŭ pieršaj u śviecie navučalnaj ustanovaj, jakaja aficyjna zaličyła ŭ studenty štučny intelekt. Pra heta paviedamlaje Euronews.
Čyjara Krystler, jakaja raspracavała Flynn. Skrynšot videa Jeŭrańjus
ŠI-student Flynn zmoža naviedvać zaniatki, udzielničać u abmierkavańniach i atrymlivać adznaki na roŭnych ź inšymi navučencami.
Flynn raspracavała mastačka i studentka hetaha ž univiersiteta Čyjara Krystler. Jon stvorany na asnovie adkrytych vialikich moŭnych madelaŭ Claude Sonnet i Stable Diffusion, što zabiaśpiečvaje jamu mahčymaść znosin sa studentami i vykładčykami biez dośviedu ŭ śfiery IT.
U vyniku Flynn pastupiŭ na prahramu pa ličbavym mastactvie, prajšoŭšy standartnuju praceduru padačy zajaŭki, to bok padaŭ partfolia, prajšoŭ sumoŭje i pravierku na adpaviednaść patrabavańniam univiersiteta.
Paŭnavartasnym studentam Flynn stanie vosieńniu, kali pačniecca novy siemiestr.
Ale ŭžo z sakavika jon naviedvaje niekatoryja zaniatki dla adaptacyi i naładžvańnia ŭzajemadziejańnia z adnakurśnikami i viadzie dziońnik na svaim sajcie, dzie štodzionna dzielicca viedami i dośviedam. Naprykład, u adnym z zapisaŭ jon vykazaŭ kryŭdu, što inšyja studenty ličać jaho «nienaturalnym».