Pientahon abmiarkoŭvaje vyvad da 10 tysiač amierykanskich vajskoŭcaŭ z Uschodniaj Jeŭropy
U Ministerstvie abarony ZŠA razhladajecca prapanova ab vyvadzie častki vajskoŭcaŭ, jakich administracyja Džo Bajdena nakiravała ŭ 2022 hodzie dla ŭmacavańnia abarony krain, što miažujuć z Ukrainaj, paviedamlaje nbcnews.com.
Fota: Pientahon
Paśla paŭnamaštabnaha ŭvarvańnia vojskaŭ RF va Ukrainu administracyja Bajdena nakiravała ŭ Polšču i Rumyniju 20 tysiač vajskoŭcaŭ. Ciapier u Pientahonie abmiarkoŭvajecca vyvad da pałovy sił, adpraŭlenych Bajdenam.
Kali Pientahon uchvalić hetaje rašeńnie, jano ŭzmocnić zaniepakojenaść, što Złučanyja Štaty admaŭlajucca ad svaich daŭnich sajuźnikaŭ u Jeŭropie, jakija ličać Rasiju rastučaj pahrozaj, zajavili NBC News jeŭrapiejskija čynoŭniki.