Premjer Litvy: Bačyć u kožnym prybyłym špijona — nieadekvatna
Premjer-ministr Litvy Hintaŭtas Pałuckas vykazaŭsia suprać prapanovy hrupy kansiervataraŭ u Siejmie ab uzmacnieńni nacyjanalnych sankcyj u dačynieńni da hramadzian Rasii i Biełarusi, piša tv3.lt.
Hintaŭtas Pałuckas. Fota: Augustas Didžgalvis / Wikimedia Commons
«Tak, my čujem pra pahrozy nacyjanalnaj biaśpiecy, adnak bačyć u kožnym prybyłym špijona — taksama nieadekvatna», — skazaŭ jon.
Jon padkreśliŭ, što ŭrad pradstaviŭ zbałansavany zakonaprajekt, jaki ŭličvaje jak sankcyi, tak i ich upłyŭ. Pałuckas adznačyŭ, što ŭ Litvie pražyvaje značnaja dyjaspara biełarusaŭ, jakija pracujuć i inviestujuć u ekanomiku krainy. Jon taksama nahadaŭ, što susiedniaja Polšča nie ŭvodzić padobnych abmiežavańniaŭ.
Premjer-ministr padkreśliŭ, što nie varta ŭsich pad adzin hrebień ličyć pahrozaj nacyjanalnaj biaśpiecy, i dadaŭ: «My vydzielili bolš finansavańnia Departamientu dziaržaŭnaj biaśpieki — niachaj jany ŭ adpaviednaści sa svaimi funkcyjami i abaviazkami łoviać usich špijonaŭ»