ZŠA i Rasija praviali abmien źniavolenymi
Abmien prajšoŭ u Abu-Dabi.
Ksienija Karelina. Fota: pres-słužba Śviardłoŭskaha suda
Abmien adbyŭsia ŭ Abu-Dabi, pra što paviedamiŭ dyrektar CRU Džon Retklif. U miežach damoŭlenaści była vyzvalenaja hramadzianka Rasii i ZŠA Ksienija Karelina, raniej asudžanaja na 12 hadoŭ pavodle artykuła ab dziaržaŭnaj zdradzie, paviedamlaje The Wall Street Journal.
Pavodle viersii śledstva, jana pieraličyła 51 dalar adnoj z ukrainskich arhanizacyj, jakija ŭ dalejšym byli nakiravanyja na nabyćcio pradmietaŭ taktyčnaj miedycyny, ekipiroŭki, srodkaŭ paražeńnia i bojeprypasaŭ dla Uzbrojenych sił Ukrainy. Dziaŭčyna pryznała vinu.
ZŠA, u svaju čarhu, vyzvalili Artura Piatrova — hramadzianina Hiermanii i Rasii, aryštavanaha ŭ 2023 hodzie na Kipry pa zapycie ZŠA za nibyta niezakonny ekspart mikraelektroniki.
Pieramovy ab abmienie viali dyrektar CRU Džon Retklif i vysokapastaŭleny supracoŭnik rasijskaj raźviedki.
Retklif asabista prysutničaŭ u aeraporcie Abu-Dabi padčas abmienu i pavitaŭ Karelinu, kali ZŠA pryniali jaje.
Nahadajem, što ŭ žniŭni 2024 hoda ŭ vyniku abmienu na volu vyjšli dva dziasiatki palitźniavolenych, u tym liku hramadzian ZŠA i Hiermanii.