MZS Biełarusi i Rasii praviali kansultacyi pa adnosinach z Amierykaj
U čaćvier u Maskvie adbylisia čarhovyja biełaruska-rasijskija kansultacyi pamiž zamiežnapalityčnymi viedamstvami na ŭzroŭni namieśnikaŭ ministraŭ zamiežnych spraŭ pa łacinaamierykanskaj prablematycy, paviedamlaje pres-słužba biełaruskaha MZS.
Fota: MZS Biełarusi
Biełaruskuju delehacyju ŭznačaliŭ namieśnik ministra Jaŭhien Šastakoŭ, rasijskuju — namieśnik ministra Siarhiej Rabkoŭ.
«Baki abmianialisia mierkavańniami adnosna raźvićcia situacyi i intehracyjnych pracesaŭ u rehijonie Łacinskaj Amieryki i Karybskaha basiejna, abmierkavali asnoŭnyja napramki supracoŭnictva Biełarusi i Rasii z adpaviednymi dziaržavami. Asobnym błokam razhledzieli aktualny stan i pierśpiektyvy raźvićcia adnosin z Paŭnočnaj Amierykaj», — havorycca ŭ paviedamleńni biełaruskaha MZS.