Dziasiatki adnolkavych aŭtobusaŭ. Jak zvozili ludziej na kancerty niaviestki Łukašenki
Niaviestka Łukašenki Hanna Łukašenka (jana ž piša pieśni pad psieŭdanimam Hanna Siałuk) na hetym tydni pakazvała ŭ Minsku svoj novy prajekt — kancert-rekvijem «Kožny treci», pryśviečany vajnie. Hledačami na jaho prydumali źvieźci ludziej z usich rehijonaŭ: u adzin dzień — ź Viciebščyny, u inšy — ź Minščyny i hetak dalej.
Fota tut i dalej: «Homielskaja praŭda»
12 krasavika na kancert u Pałac respubliki pryvieźli delehacyju z Homielskaj vobłaści. Niekalki dziasiatkaŭ adnolkavych aŭtobusaŭ — vidavočcy naličyli kala 50.
Aproč samoha kancertu (dzie za scenarysta i aŭtara piesień taksama niaviestka Łukašenki), u faje vystaŭlali knihi pra Druhuju suśvietnuju vajnu i pravodzili dehustacyju błakadnaha i łahiernaha chleba tych časoŭ.
U kolki abyšlisia hetyja kancerty biudžetu? Na arhanizacyju i praviadzieńnie adnaho kancerta płanavałasia patracić kala 92 tysiač rubloŭ, pisała «Lusterka» sa spasyłkaj na infarmacyju pra dziaržzakupki. Usiaho takich kancertaŭ było siem. U zaležnaści ad daty zakazčykami vystupali struktury miascovych vykankamaŭ roznych abłaściej.
Čytajcie taksama:
U niaviestki Łukašenki novy prajekt. Pradziusar — Hanna Łukašenka, aŭtar scenaryja — Hanna Siałuk