U niaviestki Łukašenki novy prajekt. Pradziusar — Hanna Łukašenka, aŭtar scenaryja — Hanna Siałuk
Niaviestka Łukašenki Hanna Łukašenka ŭziałasia za novy prajekt — kancerty-rekvijemy «Kožny treci».
Kancerty buduć iści ŭ Minsku ŭ Pałacy Respubliki z 6 pa 12 krasavika. Niaviestka Łukašenki — ich hienieralny pradziusar, piša «SB. Biełaruś siehodnia».
Prajekt stvaraŭsia letaś u honar 80-hodździa vyzvaleńnia Biełarusi ad niamiecka-fašysckich zachopnikaŭ. Spačatku jaho rychtavali dla pakazu ŭ Muziei pieramohi ŭ Maskvie. Ale paśla Administracyja Łukašenki rašyła, što treba heta pakazvać i na biełaruskaj scenie. Premjera była letaś 22 červienia. Stvaryli taksama televiersiju, jakuju pakazali na BT.
I paśla jaje nibyta pačali pisać ludzi i prasić pakazać kancert jašče. Łukašenka daručyŭ niaviestcy maštabavać prajekt na rehijonie. Ale, jak raskazvaje sama niaviestka, tady było nie da taho, jany kalasili z «Marafonam adzinstva» (dzie jana taksama była za hałoŭnuju). U vyniku kancerty-rekvijemy rašyli pakazać ciapier i tolki ŭ Minsku.
Pa słovach Hanny Łukašenki, jaje taksama ŭzrušyŭ demantaž pomnikaŭ savieckim voinam u Polščy i krainach Bałtyi.
«My bačym, što sprabujuć pierapisać historyju, zrabić tak, kab ludzi jaje nie pamiatali. I znos pomnikaŭ — heta adna z častak hetaha płana».
Hanna Łukašenka na kancercie nie tolki za pradiusarku. Jana jašče i adna z aŭtaraŭ scenaryja (pad psieŭdanimam Hanna Siałuk), i pieśni, napisanyja joj, hučać.
-
«Imia Karatkieviča — instrumient u brudnych rukach, dubina ŭ palityčnych bojkach». Što prapahanda adkazała nakont zaniadbanaha doma siamji kłasika
-
Palitviazień ažaniŭsia z kachanaj pa pierapiscy — raźvialisia praz dva miesiacy na voli
-
Jak vyžyć u anamalnuju śpioku. Niečakanyja, ale dziejsnyja parady navukoŭcaŭ
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy8
Kamientary