Kala Čyrvonaha kaścioła ŭ Minsku byŭ ździejśnieny akt vandalizmu
Byŭ paškodžany abraz-baner kala ŭvachodu ŭ chram.
Kala zakrytaha bolš za dva z pałovaj hady Čyrvonaha kaścioła ŭ Minsku nieviadomy parezaŭ nažom abraz Jezusa Miłasernaha, jaki raźmieščany ŭ vyhladzie baniera kala hanka chrama. Kali paškodžańnie abraza zaŭvažyli ŭ parafii, jaho zamacavali, ale ślady bluźnierstva zastalisia, paviedamlaje Katolik.life.
Vidać, što chtości zrabiŭ nadrez u nižnim pravym kucie baniera, vierahodna, złamyśniki sprabavali adrezać malunak.
Kali heta adbyłosia, dakładna nieviadoma. Pa zdymkach turystaŭ vidać, što jak minimum u siaredzinie lutaha paškodžańni ŭžo byli. Ale stała viadoma pra akt vandalizmu tolki ciapier. Adpaviednyja orhany ničoha nie paviedamlali ni pra incydent, ni pra toje, ci pravodzicca jaho rasśledavańnie.