U Rasii sałdata, jaki dobraachvotna zdaŭsia ŭ pałon USU, asudzili na 15 hadoŭ
U studzieni 2024 hoda Ramana Ivanišyna abmianiali na ŭkrainskich pałonnych. Paśla viartańnia ŭ Rasiju jon akazaŭsia pad śledstvam.
Fihuranta pieršaj spravy ab dobraachvotnaj zdačy ŭ pałon Uzbrojenym siłam Ukrainy asudzili na 15 hadoŭ kałonii strohaha režymu, piša «Kamiersant».
Paŭdniova-Sachalinski harnizonny vajenny sud prysudziŭ małodšaha siaržanta 39-j asobnaj hvardziejskaj motastrałkovaj bryhady Ramana Ivanišyna, abvinavačanaha ŭ dobraachvotnaj zdačy ŭ pałon, da 15 hadoŭ pazbaŭleńnia voli ŭ kałonii strohaha režymu z pazbaŭleńniem vajskovaha zvańnia.
Ivanišynu inkryminujuć zdaču ŭ pałon i jašče adnu sprobu zdačy, a taksama deziertyrstva. Abvinavačańnie prasiła dla jaho 16 hadoŭ źniavoleńnia. Ivanišyn pracavaŭ hornym majstram na Sachalinie i trapiŭ u armiju pa mabilizacyi.
Na adnym ź videa, što źjavilisia ŭ internecie, jon raspaviadaŭ, što 10 červienia 2023 hoda trapiŭ u pałon da USU ŭ rajonie siała Stepnoje, vystupiŭ suprać vajny i zaklikaŭ inšych vajskoŭcaŭ da ŭciokaŭ.
Śledstva śćviardžała, što Ivanišyn dvojčy sprabavaŭ zdacca ŭ pałon ukrainskim vajskoŭcam. U studzieni 2024 hoda jaho abmianiali na ŭkrainskich pałonnych. Paśla viartańnia ŭ Rasiju jon akazaŭsia pad śledstvam.