Suprać palitźniavolenaj Alaksandry Kasko zaviali jašče adnu kryminalnuju spravu

Pravaabarončamu resursu Mayday team stała viadoma, što palitźniavolenuju doktarku Alaksandru Kasko pieraviali ŭ śledčy izalatar u Baranavičach. Žycharka Vaŭkavyska była zatrymanaja 9 lutaha 2023 hoda paśla pryjezdu ŭ Biełaruś.

Alaksandr Kasko

Alaksandru Kasko abvinavacili pa 8-mi artykułach Kryminalnaha kodeksa Respubliki Biełaruś:

• 369 (Abraza pradstaŭnika ŭłady);
• 391 (Abraza sudździ abo narodnaha zasiadaciela);
• č. 1, 2 art. 368 (Abraza Łukašenki);
• č. 1, 2 art. 361-1 (Stvareńnie ekstremisckaha farmiravańnia albo ŭdzieł u im);
• č. 1, 2 art. 361-4 (Sadziejničańnie ekstremisckaj dziejnaści);
• č. 2 art. 367 (Paklop u dačynieńni da Łukašenki);
• č. 3 art. 203-2 (Niezakonnyja dziejańni ŭ dačynieńni da infarmacyi ab pryvatnym žyćci i piersanalnych danych);
• č. 3 art. 130 (Raspalvańnie rasavaj, nacyjanalnaj, relihijnaj albo inšaj sacyjalnaj varožaści abo varožaści).

19 śniežnia 2023 hoda sudździa Hrodzienskaha abłasnoha suda Dźmitryj Bubienčyk prysudziŭ dziaŭčynu da 10 hadoŭ pazbaŭleńnia voli.

Kamientary da artykuła