Siłaviki paviedamili, što Alaksandru Kasko hod da zatrymańnia «vioŭ» supracoŭnik HUBAZiKa
Telehram-kanał siłavikoŭ paviedamiŭ, što pra biełarusku Alaksandru Kasko, jakuju 19 śniežnia asudzili na 10 hadoŭ źniavoleńnia, ceły hod da jaje zatrymańnia źbiraŭ infarmacyju supracoŭnik HUBAZiKa, jakomu ŭdałosia zdabyć jaje davier.
Kali vieryć siłavikam, u pačatku 2022 hoda supracoŭnik hrodzienskaha HUBAZiKa «z dapamohaj mietadaŭ sacyjalnaj inžynieryi» zdabyŭ davier karystalnika ź nikam Homo Liber — administratara nibyta «ekstremisckich» resursaŭ. Praź miesiac vyśvietliłasia, što heta Alaksandra Kasko — jana nibyta sama raskryła svajo imia.
«Zatrymali jaje tolki ŭ lutym 2023, pry tym, što ŭletku 2022 jana bieź pieraškodaŭ, ale pad kantrolem siłavikoŭ, pryjazdžała ŭ Biełaruś. Nu vy zrazumieli, tak? Ceły hod ź joj kamunikavaŭ, kantralavaŭ, vyvučaŭ koła kantaktaŭ i atrymlivaŭ inšuju infarmacyju supracoŭnik HUBAZ», — havorycca ŭ dopisie.
Pry hetym termin Kasko nibyta moh by być bolšym, kali b jana «aktyŭna nie supracoŭničała z apieratyŭnikami».
Alaksandru Kasko zatrymali 9 lutaha 2023 hoda, kali jana viarnułasia z Polščy. Spačatku dziaŭčynie dali 10 sutak aryštu za «raspaŭsiud ekstremisckich materyjałaŭ». Ale na volu jana nie vyjšła. Joj zakidali artykuł 361-4, «sudziejničańnie ekstremisckaj dziejnaści». Paśla dadalisia jašče siem artykułaŭ, siarod jakich «raspalvańnie varožaści ci varažniečy» i «stvareńnie ekstremisckaha farmiravańnia».
«Chacieła adznačyć jubilej ź siamjoj». Što viadoma pra Alaksandru Kasko, jakoj prysudzili 10 hadoŭ paśla viartańnia ŭ Biełaruś
10 hadoŭ pazbaŭleńnia voli dali Alaksandry Kasko, jakaja viarnułasia z-za miažy ŭ Biełaruś
Ajcišnika z-pad Lidy sudziać za «zdradu dziaržavie». Jon doŭhi čas žyŭ u Hiermanii, ale viarnuŭsia ŭ Biełaruś
Ciapier čytajuć
Kamientary